|
Is í an phríomhchúis atá le córas nua leictreonach
vótála agus comhairimh a thabhairt isteach ná chun feabhas
a chur ar éifeachtúlacht, ar luas, ar chruinneas thoghcháin
na hÉireann agus ionas go mbeidh toghcháin na hÉireann níos
éasca don úsáideoir. Cé gur oibrigh an córas vótála láimhe
go maith dúinn le blianta anuas, tá sé riachtanach féachaint
cad iad na feabhsúcháin a d'fhéadfaí a dhéanamh, go háirithe
don vótóir, agus conas a d'fhéadfaí teicneolaíochtaí nua
a bheadh ar fáil a úsáid chun an córas toghcháin, a úsáideann
córais atá i bhfeidhm ann ón 19ú céad, a fhorbairt agus
a nuachóiriú.
Soláthróidh an córas nua leictreonach vótála
agus comhairimh leibhéal níos fearr seirbhíse don phobal
trí fheabhas a chur ar chruinneas, ar sholúbthacht agus
ar luas na bpróisis vótála agus comhairimh, agus bainfear
níos mó úsáide ó thaobh riaradh toghcháin as eolas nua-aimseartha
agus as teicneolaíochtaí cumarsáide. Feabhas mór ó thaobh
gach gné thuas, na socruithe láimhe vótála agus comhairimh
atá ann faoi láthair a bheidh ann.
Chruthaigh an córas Nedap-Powervote go
maith cheana féin san Ísiltír le 15 bliana anuas agus i
roinnt cathracha san Ghearmáin agus san Fhrainc. Athchóiríodh,
feabhsaíodh, tástáladh agus rinneadh píolótú ar éirigh leis
ag dhá phobalbbhreith in Éirinn cheana féin. Go dtí seo,
tá an córas seo úsáide ag os cionn 400,000 Éireannach i
bpobalbhreitheanna cearta, agus glacadh an-dearfach leis.
|
